لە یەمەن یەكەم حاڵەتی توشبون بە كۆرۆنا تۆماركرا
  2020-04-10       218       

كۆمسیۆنی باڵای نیشتمانی بۆ روبەڕوبونەوەی كۆرۆنا لە یەمەن، ئەمڕۆ هەینی، تۆماركردنی یەكەم حاڵەتی توشبونی بە كۆرۆنا لەو وڵاتە راگەیاند.

ئاوێنە: كۆمسیۆنەكە لە بەیاننامەیەكی كورتدا رایگەیاند: یەكەم حاڵەتی توشبون بە كۆرۆنا لە پارێزگای "حەزەر مەوت" تۆماركراوەو دۆخی توشبوەكە جێگیرەو لەژێر چاودێری تەندروستیدایەو تیمە پزیشكییەكان و لایەنە پەیوەندیدارەكان رێكاری پێویستیان لەوبارەیەوە گرتۆتەبەر.

هەرچەندە زیاتر لەمانگێكە كۆرۆنا لەوڵاتانی ناوچەكە بەشێوەیەكی خێرا بڵاودەبێتەوە، بەڵام تۆمارنەكردنی هیچ حاڵەتێك تا ئەمڕۆ لە یەمەن جێی سەرسوڕمانی شارەزایان بو.

پێشتر عەبدولنەسیر ئەبوبەكر، سەرۆكی تیمەكانی خۆپارێزیی لە پەتاكان نیگەرانی خۆی راگەیاندبو سەبارەت بە نەبونی حاڵەتی توشبون بە كۆرۆنا لە یەمەن و وتبوشی چاوەڕوان دەكەین "حاڵەتگەلێكی زۆر" لەو وڵاتە لەپڕ رابگەیەنرێن.

زۆرترین بینراو
© 2020 Awene Online, Inc. All Rights Reserved.
×