خۆێندكاران داوای دەرماڵە دەكەن‌و بۆ ئەم مەبەستەش لەبەردەم زانكۆی سلێمانی لەكۆنگرەیەكی رۆژنامەوانیدا یاداشتێكیان خوێندەوە كە تێیدا ئاماژەبەوە دەكەن كە چینی خوێندكارانیش وەك هەر توێژێكی دیكەی هەرێمی كوردستان مافی خۆیەتی پارەی دەرماڵەیان بۆ بگەرێنرێتەوە.

ئاوێنە: ئەمرۆ "سێ‌ شەممە" لەبەردەم زانكۆی سلێمانی ژمارەیەك لە خوێندكاران كۆنگرەیەكی رۆژنامەوانیان ئەنجامدا كە تایبەت بو بە گەراندنەوەی دەرماڵە، كە بەهۆی ئەو قەیرانەی لەچەند ساڵی رابردو روی لەهەرێم كردوە ئەو برە پارەیەی وەك دەرماڵە وەریان دەگرت براوە، داواش دەكەن سندوقێكی تایبەت بە پێدانی قەرز بەخوێندكارانی زانگۆ‌و پەیمانگاكان دروست بكرێت.

راشیدەگەیەنن بەشێك لەخوێندكارانی زانكۆ‌و پەیمانگاكان توانای داراییان لاوازە، بەشێكیشیان لەدەرەوەی شاری سلێمانیەوە لەسلێمانی دەخوێنن‌و پێویستە حكومەتی هەرێمی كوردستان هاوكاری داراییان بكات لەرێگەی گێرانەوەی پارەی دەرماڵەوە.