چەكدارانی داعش، ئەمشەو یەكشەممە، هێرشیان كردە سەر خاڵێكی سەربازیی پۆلیسی
فیدراڵی عێراق لە باشوری كەركوك و لەئەنجامدا پۆلیسێكی فیدراڵی عێراق كوژرا.
ئاوێنە: شانەی راگەیاندنی ئەمنی عێراق، كەمێك لەمەوبەر لە راگەیەندراوێكی
كورتدا رایگەیاند: ئەمشەو چەكدارانی داعش بەچەكی قەناس هێرشیان كردۆتە سەر خاڵێكی
سەربازیی پۆلیسی فیدراڵی عێراق لە ناوچەی "مەنسوریە ئەلجەبەل" لە قەزای
حەویجەی سەربە پارێزگای كەركوك.
هێمای بۆ ئەوەش كردوە كە لەئەنجامی هێرشەكەدا پۆلیسێكی فیدراڵی كوژراوە.