2019-03-12   1699     
د.رێكەوت حەمەرەشید
وەزیری تەندروستی حكومەتی هەرێم جهخت لهوه دهكاتهوه كه موچەی كارمهندانی نهخۆشخانهی شار نافهوتێتو بەبێ پاشەكەوتیش وەریدەگرن.
ئاوێنه: د.رێكەوت حەمەرەشید، وەزیری تەندروستی حكومەتی هەرێم، لەئەكاونتی خۆی لەتۆڕی كۆمەڵایەتی فەیسبوك بڵاویكردەوە، ئەمڕۆ دزینی پارەی موچەی نەخۆشخانەی شار، كارەساتێكی ناخۆش بو.
وتیشی، "سەرەڕای دڵنیاییم لەهێزەكانی پۆلیس و ئاسایشی سلێمانی، كە بەزووترین كات دزە چاو چنۆكەكان دەدۆزنەوە، پزیشكان و كارمەندانی نەخۆشخانەی شار دڵنیا دەكەمەوە، كە موچەكانیان نافەوتێت و ئەوانیش وەك فەرمانبەرانی تر دڵخۆش دەبن بەموچەی بێ پاشەكەوت".
ئهمرۆ سێشهممه، ژمارەیەك چەكدار بەئۆتۆمبێلێكی جام رەش رێگەیان لەو ئۆتۆمبێلە گرت كه موچەی پزیشكو كارمەندانی نەخۆشخانەی "شار"یان لەسلێمانی پێ بو، بەزەبری چەك پارەكەیان لەو لیژنهیه سهند كە بڕی پارەكە زیاتر لەیەك ملیار دیناره.