2019-03-12   1483     
بەڕێوەبەرایەتی گشتی چاودێریو گەشەپێدانی کۆمەڵایەتی هەولێر ئاشكرای دهكات گۆڕانکاریی لەموچەی کەمئەندامان کراوەو موچەی مانگی شەشی ساڵی ڕابردو بەبێ پاشەکەوت وەردەگرن.
ئاوێنه: بهپێی رونكردنهوهی وهزارهتی كاروباری كۆمهڵایهتی، ئەمڕۆ سێشەممه شێخ محەمەد بەڕێوەبەری تۆڕی پاراستنی کۆمەڵایەتی هەولێری سەر بەبەڕێوەبەرایەتی گشتی چاودێریو گەشەپێدانی کۆمەڵایەتی هەولێر رایگهیاندووه، گۆڕانکاریی لەموچەی کەمئەندامان کراوەو موچەی مانگی شەشی ساڵی ڕابردو بەبێ پاشەکەوت وەردەگرن.
بەڕێوەبەری تۆڕی پاراستنی کۆمەڵایەتی هەولێر ئاشکرای کردووه، موچەی 60 هەزاری بووە بە 100 هەزار دینارو موچەی 120 هەزار دینار بووە بە 150 هەزار دینار.
ئاماژەی بهوهشداوه، لەم هەفتەیەدا موچەی کەمئەندامان دابەشدەکرێت، هەروەها ئامادەکردنی لیستی نوێ لەسەر داوای گەنجینەی هەولێر بووە.