لە فەڕەنسا، ژمارەى ئەو كەسانەى بە هۆى ڤايرۆسى كۆرۆناى نوێ (COVID-19)وە گيانيانلەدەستداوە بۆ ١٨ هەزار و ٦٨١ بەرزبوويەوە.
ئاوێنه: بەڕێوەبەرى گشتیى لە وەزارەتى تەندروستیى فەڕەنسا، ژيرۆم سالمۆن لە كۆنگرەيەكى رۆژنامەوانيدا دوايين زانيارييەكانى پەيوەست بە ڤايرۆسى كۆرۆناى نوێ (COVID-19)ى بڵاوكردەوە.
ژيرۆم سالمۆن ئاشكرایكرد لە دوايين ٢٤ كاتژمێردا، سێ هەزار و ٩١٤ حاڵەتى تووشبوون به ڤایرۆسی كۆرۆنا زياديكردووە و گەيشتووەتە ١٦٨ هەزار و ٢٤١ حاڵەت.
سالمۆن ئاماژەى بەوەكرد بەو شەش هەزار و ٢٧ تووشبووەى كە لە ژێر چاودێریى چڕدان، كۆى گشتى ٣١ هەزار و ١٩٠ تووشبوو لە نەخۆشخانەكان چارەسەر وەردەگرن و باسی له‌وه‌كرد بۆ نۆيەم رۆژە لەسەريەك ژمارەى نەخۆشەكانى چاودێرى چڕ لە داشكاندايە.
ئاشكراشیكرد لە دوايين ٢٤ كاتژمێردا هەزار و ٦٠٨ كەس چاكبوونەتەوە و كۆى گشتیى ٣٤ هەزار و ٤٢٠ نەخۆش چاكبوونەتەوە و نەخۆشخانەيان جێهێشتووە.
ژيرۆم سالمۆن، زانيارى ئەوەشی دا كە لە دوايين ٢٤ كاتژمێردا لە نەخۆشخانەكان و خەڵوەتگەى پيران ٧٦١ تووشبووى ڤايرۆسى كۆرۆنا گيانيانلەدەستداوە، ئاماژەى بەوەشكرد كە گيانلەدەستدان لە نەخۆشخانەكان بۆ ١١ هەزار