بنیامین نه‌ته‌نیاهۆ، سه‌رۆك وه‌زیرانی ئیسرائیل رایگه‌یاند؛ مایه‌ی پێكه‌نینه‌، ئه‌ردۆغان ئه‌و دیكتاتۆره‌ی كه‌ ده‌یان هه‌زار نه‌یاری سیاسی ره‌وانه‌ی زیندان كردوه‌ و جینۆسایدی كورد ده‌كات، هاتوه‌ له‌باره‌ی دیموكراسییه‌ت و ئه‌خلاقی جه‌نگه‌وه‌ ئامۆژگاری ئێمه‌ ده‌كات.

ئاوێنه‌: ئه‌و قسانه‌ی سه‌رۆك وه‌زیرانی ئیسرائیل له‌وه‌ڵامی وته‌كانی شه‌وی چوارشه‌ممه‌ی ئه‌ردۆغاندا هاتن كه‌ لە وته‌یه‌كدا لە ئەنکەرە سەرۆک وەزیرانی ئیسرائیلی تۆمه‌تباركردبو بەوەی هەزاران ژن و منداڵ و بە تەمەنی فەڵەستینی زیندانیکردوەو وتبوشی"ئەگەر ستەمکار لە جیهاندا هەبێت، ئەوە نەتەنیاهۆیە."

له‌به‌رامبه‌ر بنیامین نه‌ته‌نیاهۆ له‌تویتێكدا رایگه‌یاند"مایه‌ی پێكه‌نینه‌، ئه‌ردۆغان ئه‌و دیكتاتۆره‌ی كه‌ ده‌یان هه‌زار نه‌یاری سیاسی ره‌وانه‌ی زیندانه‌كان كردوه‌و جینۆسایدی كورد ده‌كات و باكوری قوبرس داگیرده‌كات، دێت ئامۆژگاری من و ئیسرائیل و هێزه‌كانی به‌رگری ئیسرائیل ده‌كات له‌باره‌ی دیموكراسیه‌ت و ئه‌خلاقی جه‌نگه‌وه‌."

سه‌رۆك وه‌زیرانی ئیسرائیل له‌تویتێكی دیكه‌دا هێمای بۆ ئه‌وه‌ كردوه‌"باشتره‌ (ئه‌ردۆغان) خۆی له‌ پرسی قودس هه‌ڵنه‌قورتێنێت كه‌ 3000 ساڵه‌ پایته‌ختمانه‌. ئه‌ردۆغان ته‌نها ده‌توانێت لێمانه‌وه‌ فێری چۆنییه‌تی رێزگرتن له‌هه‌مو ئایینێك و پاراستنی مافه‌كانی مرۆڤ ببێت."

Erdogan, the dictator who sends tens of thousands of political opponents to prison, commits genocide against the Kurds, and occupies Northern Cyprus, preaches to me, to Israel, and to the Israel Defense Forces, about democracy and the ethics of war. A joke.

— Benjamin Netanyahu (@netanyahu) March 13, 2019