جەیمس جێفری، نوێنەری تایبەتی ئەمریكا لەهاوپەیمانی نێودەوڵەتی بۆ شەڕی
داعش، ئەمڕۆ هەینی رایگەیاند، هیچ چوارچێوەیەكی زەمەنی بۆ كشاندنەوەی هێزەكانمان
لەسوریا بونی نییە.
ئاوێنە: جەیمس جێفری كە هاوكات نێردەی ئەمریكاشە بۆ كاروباری سوریا،
رایگەیاندوە، داعش تەنها چەند سەد چەكدارێك و كەمتر لە كیلۆمەترێك چوارگۆشە خاكی
لەژێر دەستدا ماوە.
وتوشیەتی"ئێمە نزیكین لەكۆتاییهێنان بە ئۆپەراسیۆنەكانمان بەدرێژایی
روباری فوڕات بۆ كۆنترۆڵكردنەوەی دوا مۆڵگەی داعش. داعش چەند سەد چەكدارێك و كەمتر
لەكیلۆمەترێك خاكی لەژێر دەستدا ماوە."
هێمای بۆ ئەوەش كردوە شەڕی كۆتاییهێنان بە بیری داعش بەردەوام دەبێت و هیچ
چوارچێوەیەكی زەمەنی بۆ كشاندنەوەی هێزەكانی ئەمریكا لەسوریا بونی نییە.