2019-03-22   1952     
ئهندامێكی پهرلهمانی كوردستان رایدهگهیهنێت كه پارەی پێویست بۆ موچەی دو مانگی فهرمانبهران لەبەغدادەوە هاتوە، بهپێویستیشی دهزانێت كه پەلە بكرێت لهپێدانو راستكردنهوهی موچە.
ئاوێنه: مهم بورهان قانع، ئهندامی پهرلهمانی كوردستان لهفراكسیۆنی نهوهی نوێ، لهپهیجی تایبهتی خۆی لهفهیسبوك نوسیویهتی، "ئەوەی جاروبار بەناوی سەرچاوەیەكی بەرپرس لەوەزارەتی داراییەوە دەوترێت: ئامادەكاریی دەكرێت بۆ ئەوەی لیستی موچە رەوانەی گەنجینەكان بكرێت، قسەیەكی بێماناو گاڵتەجاڕییانەیە. "
ئهو دهڵێت، "ئامادەكاریی بۆ موچە، كارێكی رۆتینیی هەر وەزارەتو بەرێوەبەرایەتییەكەو تێكڕا كاری یەك رۆژە. ئینجا ئەمە جۆرێكە لەخۆدزینەوە لەپێدانی موچەی مانگەكانی یەكو دوی ئەمساڵ، لەكاتێكدا پارەی پێویست بۆ موچەی ئەم دو مانگە لەبەغدادەوە هاتوە".
ئهو پهرلهمانتاره بهپێویستی دهزانێت كه وەزارەتی سامانە سروشتییەكانی هەرێمی كوردستان پەلە بكات لەوەی داهاتی فرۆشتنی نەوت بخاتە سەر هەژماری تایبەتیی وەزارەتی دارایی، بۆ ئەوەی بەزوترین كات، پێدانی موچە راستبكرێتەوەو دواتر پەلە بكرێت لەپێدانەوەی موچە پاشەكەوتكراوەكان.
مهم بورهان قانع ئهوهشی نوسیوه، "ئەمە، یەكێكە لەئەولەوییەتی ئێمەی پارلەمانتارانی فراكسیۆنی نەوەی نوێ لەپارلەمانو دەبێت بەم ئاڕاستەیەدا كاربكرێت؛ بۆ ئەوەی هیچ موچەخۆرێك دینارێكی لەلای حكومەتی هەرێم نەمێنێت، وەكچۆن دەبێت قەرزەكانی حكومەتیش لەسەر هاوڵاتیان (كارەباو ئاوو پێشینەی بانكی خانوبەرە... هتد)، لەسەر موچە پاشەكەوتكراوەكان سفر بكرێنەوە."