وەزارەتی داراییو ئابوری حكومەتی هەرێمی كوردستان رایدەگەیەنێت فەرمانبەران سەرپشكن بۆ هەڵوەشاندنەوەی مۆڵەتی بێ موچە، ئاماژەبەوەش دەكات بۆ دابەشكردنی موچەی مانگی یەكی 2019 چاوەروانی بەغدا دەكەن.
ئاوێنە: بەپێی هەواڵێكی كەناڵی كوردستات نیوز ئەو فەرمانبەرانەی مۆڵەتی بێ موچەیان وەرگرتوە سەرپشكن بۆ هەڵوەشاندنەوەی مۆڵەتەكانیان، راشیدەگەیەنێت بریارەكە تەنها مامۆستایان ناگرێتەوە، چونكە بەپێی رێنمایی لەوەرزی دوەمی ساڵی خوێندندا بەهیچ شێوەیەك مۆڵەتەكانی "دایكایەتیو بێ موچە" هەڵناوەشێتەوە.
لەبارەی دابەشكردنی موچەشەوە ئاماژە بەوە دەكات بۆ دابەشكردنی موچەی مانگی 1 ی ساڵی 2019 چاوەروانی ئەوە دەكەن بەغدا پارە بنێرێت، بەڵام تا ئێستا كاتی ناردنی پارەكە دیار نیە، دوای ناردنی پارەكەش راستەوخۆ دەست دەكرێت بە دابەشكردنی موچە.