ئەمرۆ پەرلەمانی عێراق كۆدەبێتەوە، لەمبارەیەوە ئەندامی پەرلەمانی عێراق لەفراكسیۆنی پارتی لەپەرلەمانی عێراق، شیروان جەمال رایدەگەیەنێت پەرلەمانی عێراق دەنگ لەسەر دەركردنی گەریلاكانی پارتی كرێكارانی كوردستان "پەكەكە" لەناو خاكی عێراق‌و دورخستنەوەی پارێزگاری نەینەوا‌و جێگرەكەی دەدات.
ئاوێنە: لەمیانی كۆنگرەیەكی هاوبەش كە لەگەڵ نەوزاد هادی، پارێزگاری هەولێر بۆی سازكرابو، شیروان جەمال، ئەندامی پەرلەمانی عێراق لەفراكسیۆنی پارتی لەپەرلەمانی عێراق رایگەیاند رۆژی "یەك شەممە" پەرلەمانی عێراق كۆدەبێتەوە، باس لەوەش دەكات لەكۆبونەوەكەدا دەنگ لەسەر دەركردنی هێزەكانی پارتی كرێكارانی كوردستان "پەكەكە" دەكرێت لەناو خاكی عێراق.
ئاماژەبەوەش دەكات پەكەكە هێزێكی عێراقی نیە‌و بونیان لەشەنگال نایاساییە، باس لەوەش دەكات لەسەر پێشنیازی عادل عەبدولمەهدی، سەرۆك وەزیرانی عێراق دەنگ لەسەر دورخستنەوەی پارێزگاری نەینەوا‌و جێگرەكەی دەدرێت بە تۆمەتی كەمتەرخەمی‌و گەندەڵی ئیداری دارایی.