بەرێوەبەرایەتی پاسپۆرت لەپارێزگای هەڵەبجە دەكرێتەوە‌و هەر ئەمرۆش ژمارەیەك لە هاوڵاتیانی پارێزگاكە سەردانی بەرێوەبەرایەتییەكەیان كردوە بۆ دەرهێنانی پاسپۆرت.
ئاوێنە: ئەمرۆ "یەك شەممە" لەمەراسیمێكی تایبەتدا‌و بە ئامادەبونی پارێزگاری هەڵەبجە، ئازاد تۆفیق‌و ئەحمەد عەبدولستار، بەرێوەبەری گشتی پاسپۆرت لە عێراق بەرێوەبەرایەتی پاسپۆرتی پارێزگای هەڵەبجە كرایەوە، بەهەنگاوێكی گرنگیان لەقەڵەمدا بۆ هاوڵاتیانی پارێزگاكە، لەئێستاشدا هاوڵاتیان دەتوانن مامەڵەی دەرهێنانی پاسپۆرت دەست پێ بكەن.
بەپێی زانیارییەكان لەقۆناغی یەكەمدا كارمەندانی بەرێوەبەرایەتی پاسپۆرتی پارێزگای سلێمانی هاوكاری لەبەرێوەبردنی بەرێوەبەرایەتی پاسپۆرتی پارێزگای هەڵەبجە دەكەن‌و هاوكارییەكەشیان تا ئەو كاتە درێژەی دەبێت كە كارمەندی پێویستی بۆ دادەنرێت.