عەدنانی حەمەی مینا، ئەندامی سەركردایەتی‌و شاندی دانوساندكاری یەكێتی نیشتمانی بۆ پێكهێنانی حكومەتی نوێی هەرێمی كوردستان رایدەگەیەنێت ئەگەر مەرجەكانی یەكێتی قبوڵكرا بەشداری لەحكومەت دەكەن، ئەگەر قبوڵیش نەكرا خۆ دونیا وێران نابێت.
ئاوێنە: عەدنانی حەمەی مینا، ئەندامی سەركردایەتی‌و شاندی دانوساندكاری یەكێتی نیشتمانی كوردستان بۆ پێكهێنانی حكومەتی نوێی هەرێم بە دەنگی ئەمریكای وتوە "ئێمه تا ئێستا له دانوستانداین له‌گه‌ڵ پارتی گه‌یشتینه ڕێككه‌وتن له‌دانانی به‌رنامه‌ی حكومه‌تدا ئه‌و به‌رنامه‌ی ئێمه به‌ڵێنمان داوه به‌خه‌ڵك له هه‌ڵبژاردنه‌كان، ئه‌گه‌ر جێی بو توانیمان داكۆكیكاری باش بین له‌جێ به‌جێ كردنی به‌رنامه‌كه‌مان به‌شدار ده‌بین ئه‌گه‌ر زانیشمان وانابێت به‌شداری ناكه‌ین، له‌دانوستانداین ئه‌گه‌ر مه‌رجه‌كانی یه‌كێتی قبوڵكرا به‌شداری حكومه‌ت ده‌كه‌ین ئه‌گه‌ر قبوڵیش نه‌كرا خۆ دونیا وێران نابێت ".
راشیدەگەیەنێت حزبەكەی دەیەوێت هاوبەشی راستەقینە بێت لەحكومەت‌و ئیدارەدانی هەرێمی كوردستان، دەشڵێت "ڕه‌نگه تێبینیمان له‌سه‌ر شێوازی به‌شداری كردنمان له‌حكومه‌تدا هه‌بوبێت و ده‌مانه‌وێت ئێستا به‌شداری ڕاسته‌قینه بین له حكومه‌تێكی ڕاسته‌قینه‌ی شه‌فافدا، ده‌توانم بڵێم لێكتێگه‌یشتنی زیاتر له‌نێوان ئه‌م دوو وه‌فده‌ی ئێستا زیاتر هه‌یه، چه‌ند داواكارییه‌كی هه‌بوو وه‌فده‌كه‌ی پارتی داواكارییه‌كانی یه‌كێتی گه‌یانده سه‌ركردایه‌تی پارتی دیموكراتی كوردستان و له‌كۆبونه‌وه‌ی دوێنێ وه‌ڵامی سه‌ركردایه‌تی پارتی-یان بۆ هێناین ئێمه‌ش وه‌ڵامه‌كه له‌سه‌ركردایه‌تی تاوتوێ ده‌كه‌ین".