2020-05-20 549
وەزارەتی تەندروستی هەرێم لە ڕاگەیەنراوێكدا ئاشكرایكرد، لە بەردەوامی پشكنینەكان و گەڕان بەدوای گومانلێكراوان، ھەشت تووشبووی تری ڤایرۆسی كۆرۆنای نوێ COVID-19 لە پارێزگای ھەولێر دەستنیشانكران.
ئاوێنه: تەندروستی هەرێم ڕوونیشكردووەتەوە: تووشبووەكان، یەك ئافرەت تەمەن ٤٥ ساڵ و دوو كچی تەمەن ٢٢ و ١١ ساڵان و چوار كوڕ تەمەن ٢٥ و ٢٢ و ١٤ و ٦ ساڵان كە هەموویان خانەوادەی تووشبووەكەی ئەمڕۆی شاری هەولێرن لە كۆمەڵگای شاوەیس، هەروەها پیاوێكی تەمەن ٤٢ ساڵ كە برای تووشبووەكەی ئەمڕۆی شاری هەولێرە كە دانیشتووی ھەولێر سیتییە.
تەندروستی هەرێم ئەوەشیخستووەتەڕوو: سەرجەمیان بەركەوتەی تووشبووەكانی دوێنێ و ئەمڕۆن.
دەقی ڕاگەیەنراوەكە:
دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان، ھەشت تووشبووی دیكەی ڤایرۆسی كۆڕۆنای نوێ COVID-19 لە پارێزگای ھەولێر دەستنیشانكران، یەك ئافرەت تەمەن ٤٥ ساڵ و دوو كچی تەمەن ٢٢ و ١١ ساڵان و چوار كوڕ تەمەن ٢٥ و ٢٢ و ١٤ و ٦ ساڵان كە هەموویان خانەوادەی تووشبووەكەی ئەمڕۆی شاری هەولێرن لە كۆمەڵگای شاوەیس، وە پیاوێكی تەمەن ٤٢ ساڵ كە برای تووشبووەكەی ئەمڕۆی شاری هەولێرە كە دانیشتووی ھەولێر سیتیە، ھەموویان بەركەوتەی تووشبووەكانی دوێنێ و ئەمڕۆیە.
وەزارەتی تەندروستی
٢٠ ئایار ٢٠٢٠