وەزارەتی ناوخۆی
حكومەتی هەرێمی كوردستان رایگەیاند: لە دوەم رۆژی جەژنەوە رێگە بە هاتوچۆی
كارمەندانی چەند شوێنێك و هەروەها كردنەوەی عەلوەكان و نانەواخانەكان دەدرێت.
ئاوێنە:
وەزارەتی ناوخۆی حكومەتی هەرێمی كوردستان، ئێوارەی ئەمڕۆ شەممە، لە بەیاننامەیەكدا
چۆنیەتی جێبەجێكردنی قەدەغەی هاتوچۆی لە رۆژانی جەژنی رەمەزاندا رونكردۆتەوە.
لە بەیاننامەكەدا
هاتوە كە قەدەغەی تەواوی هاتوچۆی ئۆتۆمبێل و پیادە كە لە بەیانی ژمارە 35 ئاماژەی
پێدراوە لە سەعات 12ی ئەمشەوەوە جێبەجێ دەكرێت.
هێمای بۆ ئەوەش
كردوە لە دوەم رۆژی جەژن 25/05/2020ەوە رێگە دەدرێت بە جوتیاران بۆ ئەنجامدانی
دروێنەو گواستنەوەی بەرهەمی گەنم و جۆ بۆ سایلۆ و كۆگاكان و رێگەش بە كۆمپانیاكانی
پەیوەندی دەدرێت بۆ چاككردنەوەی تۆڕی پەیوەندییەكان و عەلوەكانیش دەكرێنەوە و
رێگاش دەدرێت بە فرۆشتنی سەوزەو میوە بە ئۆتۆمبێل لە ناو گەڕەكەكان و هەروەها
نانەواخانەكان رۆژانە لە سەعات 6ی بەیانی تا 12ی نیوەڕۆ دەكرێنەوە.
هەروەها بەپێی
راگەیەندراوەكە رێگا بە كارمەندانی دەزگاكانی راگەیاندن دەدرێت لە رۆژانی جەژندا
كاری خۆیان ئەنجام بدەن.