رێواز فایەق، ئەندامی پەرلەمانی كوردستان لەفراكسیۆنی یەكێتی لەمیانی كۆنگرەیەكی رۆژنامەوانیدا رایگەیاند سەرۆكو ئەندامانی لیژنەی دارایی عێراق بانگێشتی هەرێمی كوردستان دەكرێن، باس لەوەش دەكات لەكۆبونەوەكەی ئەمرۆیاندا جەخت لەسەر ئەوە كراوەتەوە هەماهەنگی لەگەڵ لیژنەی دارایی پەرلەمانی عێراق بكرێت.
ئاوێنە: ئەمرۆ "سێ شەممە" رێواز فایەق، ئەندامی پەرلەمانی كوردستان لەفراكسیۆنی یەكێتی بە رۆژنامەنوسانی راگەیاند لە داهاتویەكی نزیكدا سەرۆكو ئەندامانی لیژنەی دارایی عێراق بانگێشتی هەرێمی كوردستان دەكرێنو بەپێویستیشی دەزانێت هەماهەنگی لەگەڵ لیژنەی دارایی لەناو پەرلەمای عێراق بكرێت، ئاماژەبەوەش دەكات لەگەڵ لیژنەی دارایی پەرلەمانی عێراق لەشاری هەولێر گفتوگۆ دەكەن لەسەر بودجەو وەرگرتنی دڵنیایی تا موچەی فەرمانبەرانی هەرێم بنێردرێت لەلایەن بەغداوە.
وتیشی "یاسای بودجەی گشتی عێراق بە دەنگدان پەسەند كراوەو پێویستیشە بزانرێت بە چ شێوازێك پەسەندیان كردوە".