2020-05-25   655     
شانەی قەیرانەکان لە پارێزگای سەلاحەدین رایگەیاند، بەهۆی بڵاوبوونەوەی کۆرۆنا، قەزای خورماتوو بۆ ماوەی دوو رۆژ کەرەنتین دەکرێت و هەموو جۆرە هاتووچۆیەکی پیادە، ئۆتۆمبێل و ماتۆڕسکیل بۆ قەزاکە و دەرەوەش قەدەخەیە.
بەپێی راگەیێندراوی شانەی قەیرانەکان لە پارێزگای سەلاحەدین، ژمارەی تووشبوون بە کۆرۆنا لە قەزای دوزخورماتوو زیادیکردووە و کردنەوەی بازاڕ و نانەواخانە و مارکێتەکانیش قەدەخە کراوە.
بە پێی زانیاریەکان، سەرلەبەیانی ئەمڕۆ دەستکراوە بەجێبجێکردنی بڕیارەکان و گرتنەبەری ڕێکارەکانی کەرەنتینەکردن، مارکێت و بازاڕو نانەواخانەکان و شوێنە گشتیەکان داخراون.
هاوکات، تیمەکانی تەندروستی دەستیانکردوە بە پشکنینکی ئەو گەڕەکانەی کە دوێنی شەو توشبوەکانی تێدا دەستنیشانکراوە.