2020-05-26   502     
حکومەتی عێراق رایگەیاند کە پابەندە بە رێزگرتن لە پەیماننامە نێودەوڵەتییەکان تایبەت بە مافەکانی مرۆڤ.
ئاوێنه: نوسینگەی سەرۆکوەزیرانی عێراق لە راگەیەندراوێکدا بڵاویکردەوە کە حکوومەتی عێراق لەو راپۆرتەی نووسینگەی مافەکانی مرۆڤ سەربە نەتەوە یەکگرتووەکان لە عێراق کە باس لە حاڵەتەکانی رفاندن، ئەشکەنجەدا، بێ سەروشوێن بوون دەکات لەمیانی خۆپیشاندانەکانی عێراق لە یەکی تەشرینی یەکەمی ٢٠١٩ تا ٢١ی ئاداری ٢٠٢٠.
لە راگەیەندراوەکەدا ئاماژە بەوەدراوە کە حکوومەتی عێراق دووپاتی دەکاتەوە پابەندە بە رێزگرتن لە مافەکانی مرۆڤ و پەیماننامە نێودەوڵەتییەکان کە عێراق لەوبارەوە واژووی کردووە.
لە کۆتایی راگەیەندراوەکەدا هاتووە، “لەو چوارچێوەیەدا، حکوومەتی عێراق پابەندبوونی خۆی بۆ ئەنجامدانی لێکۆڵینەوە لە هەموو ئەو رووداوانەی کە لە راپۆرتەکدا ئاماژەیان پێ کراوە، دووپات دەکاتەوە”.
پێشتر نێردەی نەتەوە یەکگرتووەکان لە عێراق رایگەیاندبوو کە لە میانی خۆپیشاندانەکانی عێراقدا لە مانگی تشرینی یەکەمی ساڵی رابردوو تا مانگی ئاداری ئەمساڵ، ٤٩٠ خۆپیشاندەر کوژراون و ٢٥ی دیکەیش بێ سەروشوێنن.