2020-05-26 504
لەسەر دەنگۆی درێژكردنەوەی ماوەی قەدەغەی هاتووچۆ وتەبێژی وەزارەتی تەندروستی هەرێم ڕوونكردنەوەیەك بڵاودەكاتەوە و ڕایدەگەیەنێت، هیچ بڕیار و پێشنیارێك بۆ درێژكردنەوەی قەدەغەی هاتووچۆ لەكاتی ئێستادا نیە .
ئاوێنه: وتەبێژی وەزارەتی تەندروستی هەرێم لە ڕوونكردنەوەكەدا ئاماژەی بەوەكردووە، لێرەوە هاووڵاتیان و دەزگاكانی ڕاگەیاندن دڵنیا دەكەینەوە كەوا هیچ بڕیار و پێشنیارێكی لەوشێوەیە لە ئارادا نیە و هیچ لێدوانێكی لەم جۆرە نەدراوە، بەڵكو لەكاتی پێویست و هەر ڕەوشێكی نوێ بەهەماهەنگی لێژنەی باڵای بەرەنگاربوونەوەی كۆڕۆنا بە فەرمی ڕێنمایی پێویست و ڕێكارەكانی خۆپارێزی ڕادەگەینرێت.
ڕونكردنەوەیەك لە وەزارەتی تەندروستی حكوومەتی هەرێمی كوردستان …
لە چەند دەزگایەكی میدیایی لێدوانێك لەسەر ناوی بەڕێز وەزیری تەندروستی بڵاوكرایتەوە گوایە قەدەغەی هاتوچۆ درێژدەكرێتەوە.
لێرەوە هاووڵاتیان و دەزگاكانی ڕاگەیاندن دڵنیا دەكەینەوە كەوا هیچ بڕیار و پێشنیارێكی لەوشێوەیە لە ئارادا نیە و هیچ لێدوانێكی لەم جۆرە نەدراوە، بەڵكو لەكاتی پێویست و هەر ڕەوشێكی نوێ بەهەماهەنگی لێژنەی باڵای بەرەنگاربوونەوەی كۆڕۆنا بە فەرمی ڕێنمایی پێویست و ڕێكارەكانی خۆپارێزی ڕادەگەینرێت.
جارێكی تر داوا لە هاووڵاتیانی خۆشەویست دەكەینەوە كە باپەندی ڕێنماییەكانی تەندروستی بن بۆ ڕێگەگرتن لە بڵاوبوونەوەی نەخۆشی ڤایرۆسی كۆڕۆنای نوێ COVID-19.
سەلامەتی بۆ هەموو لایەك.
وتەبێژی
وەزارەتی تەندروستی
26 ئایار 2020