وەزارەتی
تەندروستی حكومەتی هەرێمی كوردستان رایگەیاند: 22 حاڵەتی دیكەی توشبون بە كۆرۆنا
لە پارێزگای سلێمانی تۆماركران كە 21 توشبویان دانیشتوی ناو شاری سلێمانی و
ئەویدیكەییان دانیشتوی ناحیەی وارماوایە.
ئاوێنە:
وەزارەتەكە، ئەمشەو پێنجشەممە، لە راگەیەندراوێكدا ئاشكرایكرد: لە بەردەوامی پشکنینەکان
و گەڕان بەدوای گومانلێکراوان و توشبوان، ٢٢ توشبوی دیکەی ڤایرۆسی کۆرۆنا لە
پارێزگای سلێمانی دەستنیشانکران.
بەگوێرەی
راگەیەندراوەكە توشبوەكان پێكدێن لە: ١٢ پیاو و ٩ ئافرەت و کوڕێکی گەنج كە ٨ لەوان
بەرکەوتوی توشبوانی پێشون، ١٤ی تر نیشانەی نەخۆشیەکەیان ھەبوەو پشکنینیان پۆزەتیڤ
دەرچوەو هەروەها ٢١ لەوان دانیشتوی ناو شاری سلێمانین و یەکیان دانیشتوی وارماوایە.