وەزارەتی
تەندروستی حكومەتی هەرێمی كوردستان رایگەیاند: دو حاڵەتی دیكەی توشبون بە كۆرۆنا
لە پارێزگای دهۆك تۆماركران كە هەردوكیان دانیشتوی ناوشاری دهۆكن.
ئاوێنە:
وەزارەتی تەندروستی حكومەتی هەرێمی كوردستان، ئێوارەی ئەمڕۆ دوشەممە، لە
راگەیەندراوێكدا ئاشكرایكرد: لە بەردەوامی پشکنینەکان و گەڕان بەدوای گومانلێکراوان
و توشبوان، دو توشبوی دیکەی ڤایرۆسی کۆرۆنا لە پارێزگای دھۆك دەستنیشانکران.
بەپێی
راگەیەندراوەكە توشبوەكان پێكدێن لە: پیاوێکی تەمەن ٥٢ ساڵ، نیشانەی نەخۆشیەکەی ھەبوەو
پشکنینی بۆ کراوەو پۆزەتیڤ دەرچوە، توشبویەکی کچ تەمەن ٢٠ ساڵ بەرکەوتوی توشبوانی
پێشوە.
ئەوەشی خستۆتەڕو
كە ھەردو توشبوەكە دانیشتوی ناو شاری دھۆکن.
ئەوەش لەكاتێكدایە كە هەر ئەمڕۆ وەزارەتی تەندروستی توشبونی چوار كەسی دیكەی بە كۆرۆنا لە دهۆك راگەیاندبو.