وەزارەتی
تەندروستی حكومەتی هەرێمی كوردستان رایگەیاند: 12 حاڵەتی دیكەی توشبون بە كۆرۆنا
لە دەڤەری گەرمیان تۆماركران.
ئاوێنە:
وەزارەتەكە، ئەمشەو دوشەممە، لە راگەیەندراوێكدا ئاشكرایكرد: لە بەردەوامی پشکنینەکان
و گەڕان بەدوای گومانلێکراوان و توشبوان، 12 توشبوی دیکەی ڤایرۆسی کۆرۆنای نوێ لە دەڤەری گەرمیان دەستنیشانکران.
ئەوەشی خستۆتەڕو
كە توشبوەكان پێكدێن لە: حەوت ئافرەت و چوار پیاو و کچێکی گەنج، نۆ لە توشبوان بەرکەوتوی
توشبوانی پێشون، دو توشبو نیشانەی نەخۆشیەکەیان ھەیە، یەک توشبو لە شاری بەغدا گەڕاوەتەوە.
ئەو 12 توشبوەی
لە گەرمیان تۆماركراون دانیشتوی ئەم شوێنانەن:
شەش توشبو دانیشتوی
قەزای کفری.
چوار توشبو دانیشتوی
قەزای کەلار.
یەك توشبو دانیشتوی
شاری بەغداد.
یەك توشبو دانیشتوی
شاری تکریت.