پاشنیوەڕۆی ئەمڕۆ
چوارشەممە، كۆبونەوەی پەرلەمانی عێراق بۆ گفتوگۆكردن لەسەر قەیرانی دارایی و
رەزامەندیدان لەسەر داوای حكومەت بۆ قەرزكردنی ناوخۆیی و دەرەكی كۆبوەوەو سەرۆكی
پەرلەمانیش داوا لەحكومەت دەكات پڕۆژە یاسای بودجەی ئەمساڵ رەوانەی پەرلەمان بكات.
ئاوێنە: پەرلەمانی
عێراق بە ئامادەبونی 184 پەرلەمانتار دەستی بە گفتوگۆكردن لەسەر پڕۆژە یاسای قەرزی
ناوخۆیی و دەرەكی كردوە بۆ پڕكردنەوەی ئەو كورتهێنانی دارایی و قەیرانی ئابوری
ئەوەش لەسایەی دابەزینی نرخی نەوتەوە بەهۆی بڵاوبونەوەی ڤایرۆسی كۆرۆنا.
هاوكات نوسینگەی
راگەیاندنی محەمەد حەلبوسی، سەرۆكی پەرلەمانی عێراق رایگەیاند: حەلبوسی داوا لە
ئەمیندارێتی گشتی پەرلەمان كردوە داوا لە ئەمیندارێتی گشتی ئەنجومەنی وەزیران بكات
كە پڕۆژە یاسای بودجەی ساڵی 2020 رەوانەی پەرلەمان بكەن.