2020-06-04   501     
ئەمڕۆ پێنجشەممە ٤ی حوزەیرانی ٢٠٢٠، ماجد مەهدی حەنتوش، وەزیری کارەبای عێراق و رەزا ئەردەكانی، وەزیری وزەی ئێران کۆبوونەوە.
ئاوێنه: کۆبوونەوەی هاوتاکان نزیکەی ٢ کاتژمێری خایان و بە بەشداری شاندی هەردوو وەزیر بەڕێوە چوو.
وەزیری وزەی ئێران رایگەیاند کە لەگەڵ هاوتا عێراقییەکەی رێککەوتنیان واژوو کردووە بۆ ئەوەی ئێران کارەبای نیشتمانی بداتە عێراق.
رێککەوتنی کارەبای نێوان عێراق و ئێران بۆ ماوەی دوو ساڵ دەبێت و حکوومەتی ئێران کارەبا بۆ عێراق دابین دەکات.
بەرێککەوتنی هەردوو وڵات، گوژمەی ئەم مامەڵەیە ٤٠٠ ملیۆن دۆلار دەبێت. لەگەڵ واژوو کردنی گرێبەستەکەی، وەکو پێشەکی نیوەی ئەم بڕە پارەیە لەلایەن عێراقەوە درا.