هەپەگە
رایگەیاند: لە چالاكییەكی گەریلادا لە سنوری پارێزگای وان-ی باكوری كوردستان سێ
سەربازی سوپای توركیا كوژراون و لە ناوچەی هەفتانین-ی باشوری كوردستانیش فڕۆكەیەكی
بێفڕۆكەوانی ئەو وڵاتە خراوەتە خوارەوە.
ئاوێنە: ئەمڕۆ
پێنجشەممە، ناوەندی راگەیاندنی هێزەکانی پاراستنی گەل(هەپەگە) لە بەیاننامەیەكدا
رایگەیاند: دوێنێ چوارشەممە 3ی حوزەیران، هێزەكانیان لە ناوچەی "ئەلباک"ی
پارێزگای وان چالاكییەكیان دژبە ئۆتۆمبێلێکی سوپای تورکیا ئەنجامداوەو لە چالاکییەکەدا
گورز لە ئۆتۆمبێلەکە دراوە و ئەوەندەی ڕۆن بۆتەوە، سێ سەربازی توركیا کوژران.
ئەوەشی خستۆتەڕو كە رۆژی 1ی ئەم مانگە لە ناوچەی هەفتانین-ی
باشوری كوردستان فڕۆکەیەکی بێفڕۆکەوان کە بەسەر گردی پارتیزان-دا سوڕاوەتەوە لەلایەن
هیزەکانیانەوە خراوەتە خوارەوە.