وەزارەتی تەندروستی حكومەتی هەرێمی كوردستان تۆماركردنی سێ حاڵەتی نوێی
توشبون بە كۆرۆنا لە پارێزگای هەڵەبجە راگەیاند كە هەر سێكیان دانیشتوی ناحیەی
خورماڵن.
ئاوێنە: ئەمشەو پێنجشەممە، وەزارەتی تەندروستی لە راگەیەندراوێكدا
ئاشكرایكرد: لە بەردەوامی پشکنینەکان و گەڕان بەدوای گومانلێکراوان و توشبوان، سێ
توشبوی دیکەی ڤایرۆسی کۆرۆنا لە پارێزگای هەڵەبجە
دەستنیشانکران.
بەگوێرەی راگەیەندراوەكە توشبوەكان پێكدێن لە: پیاوێكی تەمەن ٤٩ ساڵ و ئافرەتێكی
تەمەن ٤٦ ساڵ و منداڵێكی تەمەن ٧ ساڵ، پیاوەکە نیشانەی هەیە و ئافرەت و منداڵەکە بەرکەوتوی
هەمان توشبون.
ئەوەشی خستۆتەڕو
كە هەمویان دانیشتوی ناحیەی خۆرماڵن.