د.جوان ئیحسان، سەرۆكی فراكسیۆنی یەكیتی لە پەرلەمانی عێراق پێی وایە دەبێت
حكومهتی ههرێم میكانیزمی دانوستانی خۆی لهگهڵ هێزە سیاسییەكانی عێراق و
حكومەتی ئێستای عێراق بگۆڕێت چونكه ئێستا قۆناغهكه لهعێراقدا گۆڕاوهو كۆمهڵێك
سهركردهی كاریزما له گۆڕهپانی سیاسی عێراقدا نهماون و ئێستا نەوەیەكی تر دانوستانهكان بەڕێوەدهبهن.
ئاوێنە: د.جوان ئیحسان، لە وتوێژێكدا لەگەڵ بەشی كوردی دەنگی
ئەمریكا رایگەیاند: كێشەی نێوان حكومەتی هەرێم و حكومەتی ناوەند كێشەیەكی یاساییەو
وتوشیەتی"ئهوهی ئێمه ئاگاداربین دو بنهما كراوە به بنەمای ڕێكکهوتنی
هەرێم و بەغداد، ئهویش ئهوهیه كه ههردولا ڕازی بن به یاسای كارگێڕی دارایی.
بەپێی یاسای بودجەی 2019، حكومهتی ناوەندی وای بڕیارداوە کە خەرجی "فیعلی"
مانگلنەی هەرێم بۆ موچە 450 ملیار دیناری عێراقییه، ئهمه خەرجی "فیعلی"
ههرێم نییه، خەرجی "فیعلی" ههرێم سهبارهت به موچە 895 ملیار دنیاری
عێراقییه."
لەوەڵامی ئەو پرسیارەی تا چەندە ژمارەی فەرمانبەرانی هەرێم بەتایبەت ئەوانەی
لەناو خەڵکدا پێیان دەوترێت "بندیوار" بۆتە گرفت لەنێوان هەولێر و بەغداد؟
سەرۆکی فراکسیۆنی یەکێتی وتی "لهمسهری عێراق بۆ ئهوسهری عێراق، ئهمه كێشهیهكی
ههره گهورهیه، خهڵك ههیه له عێراق دو موچهو سێ موچهو چوار موچهی ههیه.
تا ئێستا حكومهتی عێراقی ئهمهی پێ كۆنتڕۆڵ نهكراوه. ئهمه بوه به ئهركێكی
گهوره بهسهر شانی دهوڵهتی عێراقهوه، حكومهتی عێراقیش ئهمهی پێ چارهسهرناكرێت."
د.جوان ئاماژهی بهوهشكرد"ئهوهی ئێستا خاڵی سهرهكی ناكۆكییه لهنێوان
حكومهتی ههرێم و حكومهتی ناوهندی مهسهلهی ناكۆكییه لهسهر خهرجی فیعلی."
سهرۆكی فراكسیۆنی یهكێتی دهربارهی ئهوهی ههندێك دهڵێن ئهمجاره وهفدی
حكومهتی ههرێم لهدانوستانهكانیدا لهگهڵ بهغداد سازشی كردوه؟ وتی"با
دروستر بڵێین نهرمی نواندن، لهبهرئهوهی ئێستا حكومهتی ههرێم لهژێر فشارێكی
زۆر زۆر دایه، فشاری ئهوهی كه قهرزێكی زۆری كردوه له لایهكهوه، وهكو سهرپهرشتیاری
خهڵك دهبێت دانوستان بكات لهسهر قوتی خهڵك و سهركهوتو بێت تێیدا، ئهگهر
ههڵهشی كردبێت له ئیداره ئهمڕۆ دهبێت ههوڵ بدات به حیكمهت له ئیدارهدانی
دانوستانهكاندا ههم كهموكوڕییهكانی له ئیدارهدا چاك بكاتهوه، ههم بهرامبهر
قوتی خهڵكیش بهرپرسیاره."
د.جوان پێی وایە" دهبێت حكومهتی ههرێم میكانیزمی دانوستانكردنی خۆی لهگهڵ ئهم هێزه سیاسیانهی
ناو عێراق و تهنانهت حكومهتی ئێستای عێراقیش بگۆڕێت. "چونكە بەبڕوای ئەو، ئهو سهركردانهی
له 2003وه كه كۆمهڵێك سهركردهی "كاریزمی" بون لهناو عێراقدا له
نمونهی مام جهلال و ئهو كهسایهتیانهی تری كه لهناو هێزه عێراقیهكان ههبون
كه له بهغداد بڕیار بهدهستی یهكهم بون، ئهوانه ئێستا لهسهر گۆڕهپانی سیاسی
عێراقیدا نین و ئێستا جیلێكی تر دانوستانهكان دهبهن بهڕێوه
كه تێگهیشتن و بۆچونیان جیاوازه.
د.جوان لهكۆتایی وتوێژهكهدا گهشبینی خۆی بهچارهسهركردنی كێشهكانی نێوان
ههولێر و بهغداد دهربڕی و وتی"كاتی زۆری دهوێت بهڵام زهحمهت نییهو شتێكی
مهحاڵ نییه ههنگاوهكان ههتا زوتر دهستپێبكات باشتره، بهڵام ئهوهی كه ئێمه
بڵێن ههر قورسهو پێمان ناكرێت، ئهم كابینهی حكومهت كێشهكان بسپێرێت به كابینهیهكی
تر تهنها زیانمهند خهڵكهكه دهبێت، ئهزمونی ههرێمی كوردستانیش وای لێدێت
كه خۆمان بهدهستی خۆمان كێشهی تیا دروست بكهین و ئۆباڵی دهكهوێته سهر
شانمان، ههمو قۆناغێك تایبهتمهندی خۆی ههیهو بهرپرسیارێتیشه بهرپرسیارێتی
حكومڕانی، پێویستی جورئهتی بڕیاردان ههیه و پێویست بهوهش ههیه كه حاكم خهمخۆری
خهڵك بێت چونكه متمانهی له خهڵكهوه وهرگرتوه."