هێزەکانی سوریای دیموکرات (هەسەدە)دەستگیرکردنی 21 چەکداری داعشیان لەباکوری سوریا راگەیاند.
ئاوێنە: لەراگەیەنراوێکدا دوانیوەڕۆی ئەمڕۆ هەینی، هێزەکانی سوریای دیموکرات (هەسەدە) راگەیاند، لەمیانی ئۆپەراسیۆنەکانی گەڕان و پشکنین بەهاوکاری هێزە ئەمنییەکانی عێراق و هێزی هاوپەیمانان توانیویانە 21 چەکداری سەربە هێزەکانی داعش دەستگیربکەن.
بەگوێرەی راگەیەنراوەكەی هەسەدە، ئۆپەراسیۆنەکانیان لەسەر سنورەکانی نێوان سوریا و عێراق ئەنجامداوە و لەنێو دەستگیرکراوەکانیشدا چەکداری بیانی هەیە.
راگەیەنراوەکەی هەسەدە ئاماژەی بەوەشکردوە، لەئەنجامی زیادبونی چالاکییەکانی رێکخراوی داعش لەسنورەکان بڕیاری چڕکردنەوەی ئۆپەراسیۆنەکانی گەڕان و پشکنینیانداوە و هەماهەنگیشیان لەگەڵ هێزە ئەمنییەکانی عێراق و هاوپەیمانێتی نێودەوڵەتی هەیە.