بەرێوەبەرایەتی هاتوچۆی سلێمانی لەسەر كرینی ئۆتومبێلی بێ سەرەتا ئاگادارییەك بڵاو دەكاتەوە، كە تێیدا داوی دوركەوتنەوە لەكرین‌و مامەڵەكردن بەو جۆرە ئۆتومبێلانە دەكات.

ئاوێنە: ئەمرۆ بەرێوەبەرایەتی هاتوچۆی پارێزگای سلێمانی لەرێگەی پەیجی تایبەتی خۆی لەتۆری كۆمەڵایەتی فەیسبوك ئاگادارییەكی لەسەر كرین‌و فرۆشتنی ئۆتومبێلی بێ‌ سەرەتا بڵاو كردەوە، بەوەی ئەو ئۆتومبێلانە نایاساین‌و لەروی ئەمنی‌و یاساییەوە لەژێر پرسیاردان.

دەقی ئاگادارییەكە

نوێترین ئاگاداری هاتوچۆ له‌باره‌ی كڕین‌و فڕۆشتنی ئۆتۆمبێلە بێ سه‌ره‌تاكان

بەرێوەبەرایەتی هاتوچۆی پارێزگای سلێمانی ئاگاداری هاوڵاتیانی خۆشەویستی پارێزگای سلێمانی دەکاتەوە دورکەونەوە لە کرین و فرۆشتنی ئۆتۆمبێلی بێ سەرەتا (ئەو ئۆتۆمبێلانەی لە هیچ شوێنێک تۆمار نەکراون ) .

هەموو ئەو ئۆتۆمبێلانە نا یاسایین و لە رووی ئەمنی و جینائی و یاساییە وە لە ژێر پرسیاردان ، بۆ یە ئاگادارتان دەکەینەوە بۆ ئەوەی توشی زیانی دارایی نەبن چونکە ئەو ئۆتۆمبێلانە دەستیان بە سەردا دەگیرێت .