كەمێك لەمەوبەر وەفدێكی پارتی دیموكراتی كوردستان بۆ كۆبونەوە لەگەڵ
بزوتنەوەی گۆڕان گەیشتە مەكۆی سەرەكی بزوتنەوەكە لە گردی زەرگەتەی شاری سلێمانی.
ئاوێنە: بەپێی میدیای گۆڕان كەمێكی دیكە وەفدی پارتی و گۆڕان لەمەكۆی
سەرەكی بزوتنەوەكە لە شاری سلێمانی كۆدەبنەوەو وەفدەكەی پارتی دیموكراتی كوردستان كەمال كەركوكی سەرۆكایەتی دەكات.
سەردانەکەى وەفدی پارتى و کۆبونەوەى هەردولا لە چوارچێوەى هەنگاوە یاساییەکانى
پەرلەمانە بۆ هەموارى پڕۆژەى سەرۆکایەتى هەرێم و گفتوگۆ دەکەن لەبارەى رێککەوتنەکەیان
لەگەڵ یەکێتى نیشتیمانى کوردستان و بەرکەوتەى لایەنەکان لە کابینەى نوێى حکومەت.
هاوکات تاوتوێى دۆخى سیاسی هەرێم و ناوچەکە و پرسى کەرکوک و پەیوەندییەکانى هەرێم لەگەڵ بەغدا دەکەن.
كۆبونەوەكەی ئەمڕۆی پارتی و گۆڕان، یەكەم كۆبونەوەی ئەو دو لایەنە دەبێت دواى
دەستپێکردنى هەنگاوەکانى پەرلەمان بۆ هەموارى پرۆژەیاساى سەرۆکایەتى هەرێم و دەستپێکردنى
هەنگاوە یاساییەکان بۆ پێکهێنانى کابینەى نوێى حکومەت.