كۆبونەوەی ئەمڕۆی وەفدی پارتی دیموكراتی كوردستان و بزوتنەوەی گۆڕان
لەمەكۆی سەرەكی بزوتنەوەكە لەشاری سلێمانی بەبێ هیچ راگەیەندراو و رونكردنەوەیەك كۆتایی
هات.
ئاوێنە: پێشنیوەڕۆی ئەمڕۆ شەممە وەفدێكی پارتی دیموكراتی كوردستان
بەسەرۆكایەتی كەمال كەركوكی گەیشتە مەكۆی سەرەكی بزوتنەوەی گۆڕان لەسلێمانی و
لەگەڵ بزوتنەوەی گۆڕان كۆبونەوە.
سەردانەکەى وەفدی پارتى و کۆبونەوەى هەردولا لە چوارچێوەى هەنگاوە یاساییەکانى
پەرلەماندا بو بۆ هەموارى پڕۆژەى سەرۆکایەتى هەرێم و گفتوگۆكردن لەبارەى رێککەوتنی
پارتی لەگەڵ یەکێتى نیشتیمانى کوردستان و بەرکەوتەى لایەنەکان لە کابینەى نوێى حکومەت.
پاشنیوەڕۆی ئەمڕۆ كۆبونەوەكە كۆتاییهات، بەڵام وەفدی هیچ لایەكیان
رونكردنەوەیان بۆ رۆژنامەوانان نەداو هیچ راگەیەندراوێكیشیان بڵاونەكردەوە.
كۆبونەوەكەی ئەمڕۆی پارتی و گۆڕان، یەكەم كۆبونەوەی ئەو دو لایەنە بو دواى دەستپێکردنى
هەنگاوەکانى پەرلەمان بۆ هەموارى پرۆژەیاساى سەرۆکایەتى هەرێم و دەستپێکردنى هەنگاوە
یاساییەکان بۆ پێکهێنانى کابینەى نوێى حکومەت.