2019-04-10   1518     
ئەندامی سەركردایەتی پارتی دیموكراتی كوردستان، فازڵ بەشارەتی رایدەگەیەنێت داواكردنی پۆستی جێگری دوەم لەلایەن یەكێتیەوە زیادەیە، دەشڵێت "ئەگەر یەكێتیو پارتی گەیشتبنە رێككەوتن وابریارە كاتژمێر 2 ی پاشنیوەرۆی ئەمرۆ پەرلەمانی كوردستان كۆببێتەوە".
ئاوێنە: فازڵ بەشارەتی، ئەندامی سەركردایەتی پارتی دیموكراتی كوردستان بە ئاوێنەی راگەیاند ئەو زانیاریی نیە كە ئایا یەكێتیو پارتی گەیشتونەتە رێككەوتن یاخود نا، بەڵام رایدەگەیەنێت ئەگەر ئەو دو حزبە بەرێككەوتنێك گەیشتبن ئەوا كاتژمێر 2 ی پاشنیوەرۆی ئەمرۆ پەرلەمانی كوردستان بۆ پەسەندكردنی پرۆژەیاسای هەمواری دامەزراوەی سەرۆكایەتی هەرێم كۆدەبێتەوە.
ئەو وتی "یەكێتی گرفتێكی دروستكردوە لەسەر ئەوەی پێداگری دەكات لەسەر داواكردنی جێگری دوەمی سەرۆكی هەرێم بۆ كاروباری سەربازی، من پێموایە ئەمە داوایەكی زیادەیە چونكە یەكێتی وەزارەتی پێشمەرگەی وەرگرتوە، لەبەرئەوەی وەزارەتی پێشمەرگەیان لایە گرنگ نیە پۆستی جێگری دوەمی سەرۆكی هەرێم بۆ كاروباری سەربازییان لابێت".