لەراگەیەنراوێكیدا بەرێوەبەرایەتی ئاسایشی سلێمانی ئاشكرایدەكات كەس بەتۆمەتی كوشتنی باوكیان 2 خۆیان رادەستی ئاسایش دەكەنو دانیشیان بە تاوانەكەیاندا ناوە.
ئاوێنە: ئەمرۆ "پێنج شەممە" ئاسایشی پارێزگای سلێمانی رایگەیاند پاش ئەوەی سەرلەبەیانی دوێنێ 10ی نیسانی 2019، هاووڵاتی (أ.ف.ح) لەگەڕەكی چوارباخ لەشاری سلێمانی لەلایەن كوڕەكانیەوە بەچەقۆ كوژرا ئەمڕۆ تۆمەتبارانی روداوەكە دەستگیركراون.
دەشڵێت ": سەعات 10ی ئەمڕۆ 11ی نیسانی 2019 دو تۆمەتبار بەناوەكانی (ك.أ.ف) لەدایكبوی 1998و (گ.أ.ف) لەدایكبوی 2001 خۆیان رادەستی بەڕێوەبەرایەتی ئاسایشی پارێزگای سلێمانی كرد كە تۆمەتبارن بەكوشتنی (أ.ف.ح) باوكیان، دوو تۆمەتبارە دەستگیركراوەكە دانیان بەتاوانەكەیاندا ناوەو لەسەر كێشەی كۆمەڵایەتی كوشتویانەو روبەڕوی یاسا كرانەوە".