هاوسه‌ری شه‌هیدو بێسه‌روشوێنبوانی شه‌ڕی داعش له‌دانه‌وه‌ی پێشینه‌كان ده‌به‌خشرێن
  2019-04-11       641       

وه‌زاره‌تی دارایی و ئابوری هه‌رێمی كوردستان رێنماییه‌كی نوێی بۆ لێخوشبون له‌ وه‌رگرتنه‌وه‌ی پێشینه‌كان له‌ هاوسه‌ری شه‌هیدان و بێسه‌روشوێنبوانی شه‌ڕی داعش ده‌ركرد.

ئاوێنه‌: له‌ رێنماییه‌ نوێكه‌دا كه‌ ئه‌مڕۆ پێنجشه‌ممه‌ ده‌رچوه‌و  ئیمزای رێباز حه‌ملان، وه‌زیری دارایی و ئابوری له‌سه‌ره، ئاماژه‌ به‌وه‌ دراوه‌ كه‌ هاوسه‌ری شه‌هیدان و بێسه‌روشوێنبوانی شه‌ڕی داعش، له‌ دانه‌وه‌ی پێشینه‌كان ده‌به‌خشرێن.

له‌رێنماییه‌كه‌دا هێما بۆ ئه‌وه‌ش كراوه‌ كه‌ ئه‌و هاوسه‌ری شه‌هید و بێسه‌روشوێنانه‌ی جه‌نگی دژ به‌ تیرۆریستانی داعش، قیستی یه‌كه‌می پێشینه‌ی سندوقی نیشته‌جێبونیان وه‌رگرتبێت و قیسته‌كانی دیكه‌ی وه‌رنه‌گرتبێت، له‌ قیستی یه‌كه‌م ده‌به‌خشرێت و له‌ كاتی ئاساییبونه‌وه‌ی بارودۆخی دارایی، قیسته‌كانی دیكه‌شیان پێده‌درێت و له‌دانه‌وه‌ی پێشینه‌كانیش ده‌به‌خشرێن.

به‌ گوێره‌ی رێنماییه‌ نوێیه‌كه‌، ئه‌و هاوسه‌ری شه‌هید و بێسه‌روشوێنانه‌ی شه‌ڕی داعش، كه‌ داواكاریان بۆ وه‌رگرتنی پێشینه‌ی خانوبه‌ره‌ پێشكه‌شكردوه‌ و ره‌زامه‌ندییان وه‌رگرتوه‌، دوای ئاساییبونه‌وه‌ی دۆخی دارایی پێشینه‌كانیان بۆ خه‌رج ده‌كرێت و لێیان وه‌رناگیرێته‌وه‌.

 

 

زۆرترین بینراو
© 2024 Awene Online, Inc. All Rights Reserved.
×