2019-04-12   828     
مەولود چاوشئۆغلۆ
مەولود چاوشئۆغلۆ، وەزیری دەرەوەی توركیا تایبهت بەبڕیارێكی ئیمانوێل ماكرۆن، سەرۆكی فەرەنسا سەبارەت بەجینۆسایدی ئەرمەنەكان، رایگەیاند، "فهڕهنسا با سهیری مێژوی رهشی خۆی بكاتو وانه بهتوركیا نەڵێتهوه."
ئاوێنە: ئیمانوێڵ ماكرۆن، سەرۆكی فەرەنسا دو رۆژ لەمەوبەر بڕیارێكی پەسەندكرد كە تێیدا 24ی نیسان وەك رۆژی یادكردنەوەی كۆمەڵكوژیی ئەرمەنەكان لەلایەن دەوڵەتی توركیاوە، دیاریكراوە.
مەولود چاوشئۆغلۆ، وەزیری دەرەوەی توركیا لەمیانی وتەیەكدا لەدەستەی پەرلەمانیی ناتۆ سەبارەت بەو بڕیارە رایگەیاند، "دوایین وڵات كه دهتوانێت سهبارهت بهجینۆسایدو مێژو وانه بداته توركیا، فهڕهنسایه. چونكه روانداو جهزائیر-مان بیرنهچوه. فهڕهنسا با سهیری مێژوی رهشی خۆی بكات، ههڵنهستێت وانه به توركیا بڵێتهوه."
چاوشئۆغلۆ پێشتر بڕیارەكەی بە "ناڕەوا" وەسف كردو وتی، ئەنكەرە رێوشوێنی پێوێست لەوبارەیەوە دەگرێتەبەرو ئێستاش دەستیان بەهەندێك هەوڵ لەوبارەیەوە كردوە.