شەوی رابردو چەكدارانی داعش لە خانەقین هێرش دەكەنە سەر بنكەیەكی سەر
بە هێزەكانی حەشدی شەعبی و لەئەنجامی شەڕێكدا چوار چەكداری حەشدی شەعبی بریندار بون.
ئاوێنە: سەرچاوەیەكی ئەمنی بە ماڵپەڕی "سومەریە نیوز"ی
راگەیاند"چەند چەكدارێكی داعش شەوی رابردو هێرشیان كردۆتە سەر خاڵێكی سەر بە
هێزەكانی حەشدی شەعبی لە ناوچەی "قوڵای" لە قەزای خانەقین و لەئەنجامدا
چوار چەكداری حەشدی شەعبی بریندار بون."
سەرچاوەكە هێمای بۆ ئەوەش كردوە كە دوای
هێرشەكە هێزێكی ئەمنی چونەتەوە ناوچەكەو شوێنی روداوەكەیان تەوق داوەو
بریندارەكانیان گواستۆتەوە بۆ نزیكترین نەخۆشخانە بەمەبەستی چارەسەركردنیان.