لەمیانی كۆنگرەیەكی رۆژنامەوانیدا هێزەكانی سوریای دیموكرات "هەسەدە" رزگاركردنی 25 ژن‌و منداڵی ئێزیدی لەژێر چنگی چەكدارانی داعش ئاشكرا كرد، ئاماژەبەوەش دەكات ئەو ئازاد كراوانەیان رادەستی كەسوكاریان كردوتەوە.
ئاوێنە: هێزیكانی سوریای دیموكرات "هەسەدە" رایدەگەیەنێت لەچوار چێوەی هەڵمەتی گەردەلولی جزیرە توانیویانە سەدان ژن‌و منداڵ لەژێر دەستی چەكدارانی داعش رزگار بكەن، لەو چوار چێوەیەشدا ئەمرۆ بەشێكی دیكە لەو ئێزیدیە رزگاركراوانە كە ژمارەیان 25 كەسە رادەستی ماڵی ئێزیدیانی عامودێ كراونەتەوە.
ئاشكراشیدەكات بەپێی ئەو زانیاریانەی بەوان گەیشتوە تا ئێستا چارەنوسی 3 هەزار‌و 40 ئێزیدی بە نادیاری ماونەتەوە.