2019-04-16   1238     
هۆشیار سیوەیلی
بەرپرسی پەیوەندییەکانی دەرەوەی پارتی رایدهگهیهنێت كه حزبهكهی نایەوێت پێکهێنانی حکومەت لهوه زیاتر دوابکەوێت. ئاماژه بۆ ئهوهش دهكات كه پارتی پێشنیازی بۆ چارەسەرکردنی پرسی جێگری سەرۆکی هەرێم هەیە.
ئاوێنه: هۆشیار سیوەیلی، بەرپرسی پەیوەندییەکانی دەرەوەی پارتی لهلێدوانێكی رۆژنامهوانیدا رایگەیاند، گفتوگۆ بۆ پێکهێنانی حکومەتی هەرێمی کوردستان لەنێوان پارتی دیموکراتی کوردستانو بزوتنەوەی گۆڕان، هەروەها لهنێوان پارتیو یەکێتی نیشتمانی کوردستان بەردەوامن.
ناوبراو جهخت لهوه دهكاتهوه كه پارتی دیموکراتی کوردستان نایەوێت پێکهێنانی حکومەت لهوه زیاتر دوابکەوێت.
وتیشی، بهرهوپێشچونی باش لهپهیوهندییهكانی پارتی لهگهڵ ههریهك لهیهكێتیو گۆڕان كراوهو لەرۆژانی داهاتودا لەسەر پرسی پێکهێنانی حکومەت لایەنەکان دەگەنە رێککەوتن.
ئاماژەی بەوەشدا، پارتی پێشنیازی بۆ چارەسەرکردنی پرسی جێگری سەرۆکی هەرێمی کوردستان بۆ یەکێتیو گۆڕان هەیە، بهشێوهیهك كه دڵی ههردولا رازی بكرێت.