پارتی دیموكراتی گەلان(هه‌ده‌په)‌ تانه‌ی له‌ پڕۆسه‌ی هه‌ڵبژاردنی شه‌مزینان و ناوچه‌ی "باژێرگران"دا و داوای له‌ ده‌سته‌ی باڵای هه‌ڵبژاردن كرد لێكۆڵینه‌وه‌ له‌ ساخته‌كارییه‌كان بكات و هه‌ڵبژاردن له‌و دو شوێنه‌ دوباره‌ بكاته‌وه‌.

ئاوێنە: بەگوێرەی هەواڵێكی ئاژانسی فوڕات نیوز، پارتیی دیموكراتیی گه‌لان (هه‌ده‌په‌) ڕایده‌گەیاندوە كە له‌ شاری شه‌مزینان و ناوچه‌ی باژێرگران-ی سه‌ر به‌ شاری گه‌ڤه‌ر له‌ پارێزگا‌ی جۆله‌مێرگی باكوری كوردستان له‌پڕۆسه‌ی ده‌نگداندا ساخته‌كاری و پێشێلكاری كراوه‌.

بەپێی هەواڵەكە هەدەپە "سكاڵای نائاسایی" لە دەستەی هەڵبژاردنەكان تۆماركردوەو ئاماژەی بەوەداوە كە لە شەمزینان هەدەپە سێ هەزارو 203 دەنگ و ئاكەپە-ش سێ هەزارو 447 دەنگی بەدەستهێناوە كە جیاوازی ژمارەی دەنگەكانیان تەنها 154 دەنگە.

هەدەپە ئەوەشی خستۆتەڕو كە ناوچەی باژێرگران-یش بە هەمان شێوە پێشێلكاری كراوە كە بەگوێرەی ئەنجامە رەسمییەكان لەو ناوچەیە ئاكەپە 915 دەنگ و هەدەپەش 838 دەنگی بەدەستهێناوە.

هەدەپە لەتانەكەیدا داوای كردوە لەو دو ناوچەیە لێكۆڵینەوە لەسەر ئەو پرسە بكرێت و سەرلەنوێ هەڵبژاردن ئەنجام بدرێتەوە.