زنجیرەیەك تەقینەوە وڵاتی سریلانكا دەهەژێنێتو بەپێی ئامارە سەرەتاییەكان زیاتر لە 130 كەس كوژراونو نزيكةى 300 كەسيش برینداربون، لەبەرامبەریشدا حكومەتی ئەو وڵاتە باری نائاسایی راگەیاندوەو رێوشوێنە ئەمنییەكانی توند كردوە.
ئاوێنە: بەرەبەیانی ئەمرۆ "یەك شەممە" ژمارەیەك تەقینەوەی یەك لەدوای یەك چەند شارێكی وڵاتی كۆڵۆمبیای كردە ئامانجو ئامارەسەرەتاییەكان باس لە كوژرانی زیاتر لە 130 كەسو برینداربونی نزيكةى 300 كەسی دیكە دەكەن، تەقینەوەكانیش هاوكاتە لەگەڵ مەراسیمی جەژنی قیامەی مەسیحییەكان.
تەقینەوەكان سێ كەنیسەو سێ هۆتێلی لەسریلانكا كردوەتە ئامانج، تا ئێستا هیچ گروپێك بەرپرسیارەتی خۆی لەئاست تەقینەوەكان ئاشكرانەكردوە، هەروەها لەگەڵ گرتنەبەری رێوشوێنی ئەمنی توندوتۆڵ باری نائاسایش لەو وڵاتە راگەیەنراوە.