بافڵ تاڵهبانی، كوڕه گهورهی سكرتێری كۆچكردوی یهكێتی
رایگهیاند، لهقۆناغهكانی كۆتایی پێكهێنانی حكومهتی نوێی ههرێمی كوردستانداین
و جهختیشی كردهوه كه یهكێتی كاردهكات بۆ گۆڕانكاری ریشهیی لهبهڕێوهبردنی
ههرێمی كوردستاندا.
ئاوێنه: بهپێی میدیای رهسمی یهكێتی، ئهو وتانهی
بافڵ تاڵهبانی ئهمڕۆ دوشهممه هاتون لهدیدارێكیدا لهگهڵ باڵیۆز ولیام رویبوك،
جێگری نێردەی تایبەتی سەرۆكی ئەمریكا بۆ هاوپەیمانێتی نێودەوڵەتی دژی داعش و ستیفن
فەیگن كونسوڵی گشتی ئەمریكا لە هەرێمی كوردستان، كه له دهباشان پێشوازی لێكردون
و بیروڕایان سهبارهت به پێشهات و پەرەسەندنە سیاسییەكانی هەرێم و عیراق و ناوچەكە
ئاڵوگۆڕكردوه.
لهدیدارهكهدا بافڵ تاڵهبانی سهبارهت به بارودۆخی
ههرێمی كوردستان رایگهیاندوه"لە قۆناغەكانی كۆتایی پێكهێنانی حكومەتی نوێی
هەرێمداین و چاكسازی و خزمەتكردن و ئاوەدانی
زیاتر لە ئەولەویەتی بەرنامەی حكومەتی داهاتو دەبێت و هەمو هەوڵێكی یەكێتیش كاركردن
دەبێت بۆ گۆڕانكاری ریشەیی لە بەڕێوبردن و ئیدارەدانی هەرێم."
سەبارەت بە قۆناغی نوێی روبەڕوبونەوەی تیرۆریش بافڵ تاڵەبانی
رونیكردۆتهوە"شەڕی داعش كۆتایی نەهاتوە پێویستە بەسیاسەت و ستراتیژێكی نوێوە
پلان دابنێین بۆ جەنگی روبەڕوبونەوەی تیرۆرستانی داعش و لەڕوی پەروەردەو فیكرەوە روبەڕوی
بیری ترس و تۆقاندن و توندڕەوی ببینەوە بۆ ئەوەش پێویستمان بەهاوكاری بەردەوامی هاوپەیمانان
دەبێت."
پەیوەست بە پرۆسەی سیاسیش لە عیراق بافڵ تاڵەبانی جهختی
لەسەر چارەسەركردنی كۆی كێشەكان لەسەر بنەمای دەستور و بەرژەوەندی هاوبەش لهگهڵ
بهغدا كردۆتهوه.