ئەندامی پەرلەمانی كوردستان لەفراكسیۆنی نەوەی نوێ، شادیە نەوزاد رایدەگەیەنێت شاسوار عەبدولواحید كامێرای چاودێری لەنێوكابینەكانی چاڤلاند بۆ پەرلەمانتارەكانی نەوەی نوێ داناوە، دەشڵێت "هەرەشەی بڵاوكردنەوەی رەسمو گرتەی ڤیدیۆیی دەكات".
ئاوێنە: شادیە نەوزاد، ئەندامی پەرلەمانی كوردستان لەفراكسیۆنی نەوەی نوێ نامەیەكی هەرەشە ئامێزی سەرۆكی جوڵانەوەكەی، شاسوار عەبدولواحید بۆ میدیاكان ئاشكرا دەكات، كە تێیدا ئاماژەبەوە دەكات لەناو جوڵانەوەكەیان باندی سیاسی هەیەو شاسوار عەبدولوحید سەرۆكیانە، دەشڵێت "لەنامەیەكدا كە بەدەستنم گەیشتوە پێی وتوم چاوەروانی فیلمی روتی خۆت بە".
ئاشكراشیدەكات سەرۆكی جوڵانەوەی نەوەی نوێ لەنێوكابینەكانی چاڤیلاند كامێرای چاودێری بۆ پەرلەمانتارەكانی خۆی داناوە، دەشڵێت "سهرۆكی باندێك بهمشێوهیه مامهڵه لهگهڵ ژنانی سهركردهی خۆی بكات دهبێت چۆن مامهڵه بكات لهگهڵ ئهو كچ و ژنانهی كه بیانهوێت بێنه ناو جوڵانهوهكه".
ئاشكراشیدەكات كە سكاڵای یاسایی لەسەر شاسوار عەبدولواحید تۆمار دەكاتو دەڵێت "ھەرچەندە ھەڕەشەی لە خودی خۆم کردووە، بەڵام من لە پاک و بێگەردیی خۆم ناترسم و سکاڵای یاسایی لە دژی شاسوار عەبدولواحید تۆمار دەکەم".