"حكومه‌تی هه‌رێم به‌مه‌به‌ست دابه‌شكردنی موچه‌ی دواخستوه‌"
  2019-05-06       2225       

به‌رهه‌م مسته‌فا، ئه‌ندامی‌ مه‌كته‌بی‌ سكرتاریه‌تی‌ یه‌كێتی‌ مامۆستایانی‌ كوردستان پێی وایه‌ حكومه‌تی هه‌رێم دابه‌شكردنی موچه‌ی فه‌رمانبه‌رانی به‌مه‌به‌ست دواخستوه‌ بۆئه‌وه‌ی پێش جه‌ژن موچه‌یه‌كی تر دابه‌ش نه‌كات.

ئاوێنه‌: به‌رهه‌م مسته‌فا، ئه‌مڕۆ دوشه‌ممه‌، له‌نوسینێكدا له‌ هه‌ژماری خۆی له‌ فه‌یسبوك نوسیویه‌تی"حکومەتی هەرێم موچەی فەرمانبەرانی بەمەبەست دواخستوە نەکێشەی نەختینەی پارەی هەیە نە ناردنی بەشە بودجەی هەرێم لەلایەن بەغداوه‌."

وتوشیه‌تی"مەبەستی سەرەکیش لەم کارەی ئەیکات بۆئەوەیە پێش جەژن موچەیەکی تر دابەش نەکات و بۆیە یاری بەکات ئەکات."

ئه‌وه‌شی خستۆته‌ڕو"موچە بە دو ئاست دابەش ئەکرێ بەشێکیان بەداهاتی ناوخۆ، بەشەکەی تری موچە، بەپارەی بەغدا. پرسیارەکە ئەوەیە بۆچی بەداهاتی ناوخۆ، موچەی وەزارەتی پێشمەرگەو پەروەردەو تەندروستی و دارایی دابەش ناکات؟ کە ئەمە پێویستی بەچاوەڕوانی پارەی بەغداد نییەو پشت دەبەستێ بەداهاتی ناوخۆ."

وتوشیه‌تی"وەڵامەکە ڕونە یاریکردن بەکات لەپێناو خۆدزینەوە لەو فشارەی لێیدەکرێ کە پێش جەژن موچە بداتەوە!"

زۆرترین بینراو
© 2024 Awene Online, Inc. All Rights Reserved.
×