به‌غداو هه‌ولێر رێككه‌وتنێكیان له‌سه‌ر چه‌ند پرسێكی بازرگانی ئیمزاكرد
  2019-05-12       419       

بەڕێوەبەری گشتی وەزارەتی بازرگانی ھەرێمی کوردستان رایگه‌یاند، وه‌فدی حکومەتی ھەرێم و بەغدا لەسەر چەند خاڵێک لە بواری بازرگانیدا ڕێککەوتن و ڕێککەوتنەکەش ئیمزا کرا.

ئاوێنه‌: بەڕێوەبەری گشتیی وەزارەتی بازرگانیی حکومەتی ھەرێمی کوردستان، نەوزاد ئەدھەم، بە ماڵپەڕی ره‌سمی پارتی راگەیاند"وه‌فدێکی حکومەتی ھەرێمی کوردستان سەردانی بەغدای کرد و لەگەڵ وه‌فدێكی حکومەتی عێراق کۆبوینەوە و تێیدا گفتوگۆ لەبارەی کۆمەڵێک خاڵەوە کرا، لەوانە ھاوردە و هەناردە و داھاتی خاڵە سنورییەکان و وەرگرتنی گەنمی جوتیاران و دانی موستەحەقاتی جوتیارانی ھەرێمی کوردستان."

نەوزاد ئەدھەم وتیشی"رێککەوتنێک ئیمزا کرا لەسەر چەند خاڵێک، ئەویش حکومەتی عێراق بڕی وەرگرتنی گەنمی جوتیارانی ھەرێم بۆ ئەمساڵ لە٣٤٠ھەزار تەن زیاتر بکات و وەزیری بازرگانیش باسی لەوە کرد، سەرۆکوەزیران ڕەزامەندیی داوە کە موستەحەقاتی جوتیارانی ھەرێم بدات و لە ھەرێمی کوردستانیش ھاوشێوەی بەغدا سێرڤەرێک دەبێت و مۆڵەت دەدرێتە ئەو کۆمپانیایانەی کاری ھاوردە و هەناردە دەکەن، کە ژمارەیان سێ ھەزار کۆمپانیایە و پێشتر ڕێگەیان پێ نەدەدرا لە بەغدا کار بکەن و ئێستا ئەوەش چارەسەر بو."

ئەدھەم باسی لەوەش کرد"جگە لەوەش، لە ڕێککەوتنەکەدا ھاتوە، ھەمو داھاتی خاڵە سنورییەکانی ھەرێمی کوردستان دەگەڕێتەوە بۆ وەزارەتی دارایی حکومەتی ھەرێمی کوردستان و بەغدا ھیچ لارییەکی نییە."

ئەدھەم وتیشی"ڕێککەوتنەکە ئیمزا کراوە و کۆتاییی پێ ھاتوە و تەنیا ھەندێک خاڵ ماوە، ئەویش پێویستی بە دەرکردنی یاسا لە پەرلەمان ھەیە."

زۆرترین بینراو
چراخان رەفیق: به‌ ئه‌ركی سه‌ر شانی خۆمی ده‌زانم له‌ ڕێگای ئه‌م نوسراوه‌وه‌ هه‌ندێك له‌ ئه‌و ڕاستیانه‌ ئاشكرا بكه‌م
"نه‌جمه‌دین که‌ریم (سندوقی ره‌شی مافیاکانی کوردستان)"
هاوسه‌ری پێشوی ئاشتی هه‌ورامی: ئاشتی هه‌ورامی‌و بانده‌ مافیایه‌که‌ی هه‌ڕه‌شه‌ی کوشتنم لێده‌که‌ن
رۆژنامه‌یه‌كی لوبنانی: به‌ده‌یان ملیۆن دۆلار خراوه‌ته‌ڕو بۆ گه‌ڕاندنه‌وه‌ی نه‌جمه‌دین كه‌ریم بۆ هه‌ولێر
ویكیلیكس: له‌(2005)ه‌وه‌، ئه‌مریكا دڵنیا بووه‌ له‌وه‌ی‌ كه‌ركوك ده‌بێته‌ قوربانی‌ ناكۆكییه‌كانی‌ یه‌كێتی‌‌و پارتی
داعش ژیانی پارێزه‌ره‌که‌ی نادیه‌ موراد له‌ئه‌مه‌ریکا ده‌خاته‌ مه‌ترسییه‌وه‌
بارزانی: ئیرادەی گەلی كوردستان بەهێزە‌و سەرباری بونی پیلانگێری، بەڵام بە ئیرادەیەکی بەرزتر لە جاران تێدەکۆشی
گه‌روی هورمز، مۆته‌كه‌ ترسناكه‌كه‌ی ئابوری عێراق‌و كه‌نداو
وەزیری دەرەوەی عێراق: پشتیوانی ئێران دەكەین
عەبدوڵا ئۆجەلان نامەیەك بڵاو دەكاتەوە
© 2018 Awene Online, Inc. All Rights Reserved.
×