لەراگەیەنراوێكیدا بەرێوەبەرایەتی پۆلیسی دارستانو ژینگەی سلێمانی دەستبەسەرداگرتنی 14 ماسی راوكراو لە دەریاچەی دەربەندیخان ئاشكرا دەكات.
ئاوێنە: ئەمرۆ "یەك شەممە" بەرێوەبەرایەتی پۆلیسی دارستانو ژینگەی سلێمانی راگەیەنراوەكەی لەپەیجی تایبەتی خۆی لەتۆری كۆمەڵایەتی فەیسبوك بڵاوكردوەتەوە كە تێیدا هاتوە "لە ئێستادا هەرچەندە وەرزی دانانی گەرای ماسی تەواو نەبووە، ڕاوکردنی ماسی لە لایەن هەندێك لە هاوڵاتیان بەردەوامە، بەڵام خۆشبەختانە مەفرەزەکانی پۆلیسی دارستان لەسەرجەم دەریاچە و ڕوبارەکان سەقاڵی گەڕان و پشکنینن، بۆ ئەو مەبەستە لە سنوری دەریاچەی دەربەندیخان توانرا دەست بەسەر14 ماسیدا بگیرێت".
راگەیەنراو
لە دەریاچەی دەربەندیخان دەست بەسەر ( ١٤ ) ماسی ڕاوکراودا گیرا
لە ئێستادا هەرچەندە وەرزی دانانی گەرای ماسی تەواو نەبووە، ڕاوکردنی ماسی لە لایەن هەندێك لە هاوڵاتیان بەردەوامە، بەڵام خۆشبەختانە مەفرەزەکانی پۆلیسی دارستان لەسەرجەم دەریاچە و ڕوبارەکان سەقاڵی گەڕان و پشکنینن، بۆ ئەو مەبەستە لە سنوری دەریاچەی دەربەندیخان توانرا دەست بەسەر (١٤) ماسیدا بگیرێت.
لەو چوارچێوەیەدا لە ئەنجامی دەرچونی مەفرەزەیەکی بەشی پۆلیسی دارستان و ژینگەی شارەزوور بۆ سەر دەریاچەی دەربەندیخان، لە پێناو پاراستنی سامانی ماسی توانیان دەستبگرن بەسەر ( ١٤ ) ماسی ڕاوکراو و ( ٢ ) تۆڕ و ( ٢ ) صەوڵ و ( ١ ) بەلەم و ( ١ ) ماتۆڕی بەلەمدا گیرا.
پەڕاوی لێکۆڵینەوە ڕێکخراوەو ڕادەستی بەڕێز دادوەر کراوە بۆ وەرگرتنی ڕێکاری یاسایی.