نوسینگەی رۆژنامەوانی نەجمەدین کەریم ره‌تیده‌كاته‌وه‌ ناوبراو ده‌ستگیركرابێت
  2019-05-21       1840       
نەجمەدین کەریم
نوسینگەی رۆژنامەوانی نەجمەدین کەریم ره‌تیده‌كاته‌وه‌ ناوبراو ده‌ستگیركرابێت‌و رایده‌گه‌یه‌نێت كه‌  "بۆ کاری ئاسایی‌و دیپلۆماتی خۆی گەشتی دەرەوەی وڵاتی کردووەو هەفتەی داهاتو دەگەڕێتەوە کوردستان".

ئاوێنه‌: ئاژانسی هەواڵی ره‌سمی‌ حکومەتی‌ عێراق بڵاویكرده‌وه‌ كه‌ دره‌نگانێكی‌ ئه‌مشه‌و نەجمەدین کەریم، پارێزگاری پێشوی کەرکوک لەفڕۆکەخانەی‌ بەیروت لەلایەن پۆلیسی ئینتەرپوڵەوە دەستگیرکرا.

له‌به‌رامبه‌رداو له‌رونكردنه‌وه‌یه‌كدا نوسینگەی رۆژنامەوانی نەجمەدین کەریم ره‌تیده‌كاته‌وه‌ ناوبراو ده‌ستگیركرابێت‌و ده‌ڵێت، "لێرەوە بۆ هەمو هاونیشتمانیان لەکوردستان‌و بەتایبەت شاری کەرکوک رادەگەیەنین؛ کە سەرلەبەری ئەو هەواڵە دورە لەراستیەوەو بەڕێز دکتۆر نەجمەدین کەریم، بۆ کاری ئاسایی‌و دیپلۆماتی خۆی گەشتی دەرەوەی وڵاتی کردووەو هەفتەی داهاتو دەگەڕێتەوە کوردستان."


دەقی روونکردنەوەکە:

جارێکی تر چەند کەناڵێکی راگەیاندن وەک پیشەی هەمیشەییان و دوور لە پرەنسیپ و ئیتیکی کاری رۆژنامەوانی، هەواڵێکی چەواشەکارییان بڵاوکردووەتەوە، گوایە بەڕێز دکتۆر نەجمەدین کەریم لە کاتی گەشتکردنی بۆ وڵاتی لوبنان، لە فڕۆکەخانەی بەیرووت دەستگیرکراوە.

لێرەوە بۆ هەموو هاونیشتمانیان لە کوردستان و بەتایبەت شاری کەرکوک رادەگەیەنین؛ کە سەرلەبەری ئەو هەواڵە دوورە لە راستیەوە و بەڕێز دکتۆر نەجمەدین کەریم، بۆ کاری ئاسایی و دیپلۆماتی خۆی گەشتی دەرەوەی وڵاتی کردووە و هەفتەی داهاتوو دەگەڕێتەوە کوردستان.

هاوکات بە پێویستی دەزانین ئەوە بخەینەڕوو؛ دروستکردنی ئەم جۆرە هەواڵانە بۆ چەواشەکردن و بەلاڕێدابردنی هاونیشتمانییانە و هەروەها بۆ دوورخستنەوەی رایگشتییە لەو کێشە و گرفتانەی ئەمڕۆ لە پارێزگای کەرکوک هەن.

نووسینگەی رۆژنامەڤانی
د. نەجمەدین کەریم
زۆرترین بینراو
سەعدی پیرە: یەكێتی هەڵوێستی لەبارەی بڕیارەكەی پارتی بۆ بەشداری نەكردن لە هەڵبژاردن دەبێت
شاسوار عەبدولواحید: پێشنیار بۆ پارتی و یەكێتی دەكەم ماوەیەك ئۆپۆزسیۆن بن
مه‌كته‌بی سیاسی پارتی: به‌شداری هه‌ڵبژاردنێک ناكه‌ین بە نایاسایی و نادەستوری بەڕێوەبچێت
شه‌ش خاڵ بۆ نه‌بونی متمانه‌ به‌ "هه‌ژماری من" ئاشكراده‌كرێت
مامۆستایانی ناڕازی بۆ دەسەڵاتدارانی زۆنی سەوز: هەژماری من رابگرن و راستەوخۆ لیستی موچە بنێرن بۆ بەغدا
وەزارەتی دەرەوەی ئەمریكا: نیگەرانین لە راگەیەندراوەكەی پارتی بۆ بایكۆتی هەڵبژاردن
وەزارەتی دارایی ھەرێم بڕیاری دا، جیاوازیی مووچە و دەرماڵە بۆ بەشێك لە فەرمانبەران خەرج بكرێتەوە
بەیاننامەی تیمی یەکێتی لە حکومەتی هەرێم سەبارەت بەمووچە
هێمن هەورامی: بڕیارەكەی پارتی بۆ راستكردنەوەی ئەو هەڵەیەیە كە عێراقی لە فرە پێكهاتەوە بەرەو تاك پێكهاتە بردوە
ئەدهەم بارزانی: كار لەسەر بەلاڕێدابردنی دۆخەكە دەكرێت بۆ ئەوەی هەڵبژاردن نەكرێت
© 2024 Awene Online, Inc. All Rights Reserved.
×