بەتۆمەتی باكارهێنان‌و بازرگانیكردن بە مادەی هۆشبەر 2 كەس دەستگیردەكرێت
  2019-05-22       236       



لەراگەیەنراوێكیدا بەرێوەبەرایەتی پۆلیسی ئیدارەی گەرمیان ئاشكرایكرد كە بەتۆمەتی باكارهێنان‌و بازرگانیكردن بە مادەی هۆشبەر 2 كەسیان دەستگیركردوە، باس لەوەش دەكات هەردو دەستگیركراوەكە دانیان بە تاوانەكانیاندا ناوە.


ئاوێنە: بەرێوەبەرایەتی پۆلیسی ئیدارەی گەرمیان رایدەگەیەنێت لەلایەن بەشی پۆلیسی نەهێشتنی تاوانی ڕاپەڕین مەلەفی لێکۆڵینەوە بۆ هەردوو تۆمەتبارەکە ڕێکخرا. بە بڕیاری دادوەر بە پێی مادەی ۱٤ لە یاسای نەهێشتنی مادە هۆشبەرەکان هەردو تۆمەتبارەکان ڕاگیران و مەلەفی لێکۆڵینەوەکەش هەواڵەی بەڕێوەبەرایەتی ئاسایشی ڕاپەڕین کرا بە گوێرەی تایبەتمەندی پیشەیی.
 


راگەیەنراو


ڕانیە/ دوو کەس بەتۆمەتی بەکارهێنان و بازرگانی کردن بە مادە هۆشبەرەکان دەستگیر کران



دوای ئەوەی تۆمەتبار (م،ص) تەمەن ١٨ ساڵ لەلایەن هێزەکانمان لە بنکەی پۆلیسی فریاکەوتنی ڕانیە دەستگیرکرا بەتۆمەتی بەکارهێنانی مادەی هۆشبەر و هەواڵەی بەشی پۆلسی نەهێشتنی تاوانی راپەڕین لە ڕانیە کرا, لە ئەنجامی لێکۆڵینەوە لەگەڵیدا، ناوبراو دانی نا بە تاوانەکەی کە هەستاوە بەکارهێنانی ماددەی هۆشبەر. هەر لە ئەنجامی بەدواداچوون و لێکۆڵینەوە لە لایەن بەشی پۆلیسی نەهێستنی تاوانی ڕاپەڕین کەسێکی تر دەستگیر کرا بەناوی (د،ع) تەمەن ٢٠ساڵ کە هەستاوە بە بەکارهێنان و بازرگانی کردن بە مادە هۆشبەرەکان و لە کاتی لێکۆڵینەوە دانی ناوە بە تاوانەکەی کە ماددی هۆشبەری باکارهێناوە و بازرگانیشی پێوە کردووە.

لەلایەن بەشی پۆلیسی نەهێشتنی تاوانی ڕاپەڕین مەلەفی لێکۆڵینەوە بۆ هەردوو تۆمەتبارەکە ڕێکخرا. بە بڕیاری دادوەر بە پێی مادەی ۱٤ لە یاسای نەهێشتنی مادە هۆشبەرەکان هەردوو تۆمەتبارەکان ڕاگیران و مەلەفی لێکۆڵینەوەکەش هەواڵەی بەڕێوەبەرایەتی ئاسایشی ڕاپەڕین کرا بە گوێرەی تایبەتمەندی پیشەیی.
ڕاگەیاندنی بەڕێوەبەرایەتی پۆلیسی ڕاپەڕین

زۆرترین بینراو
© 2018 Awene Online, Inc. All Rights Reserved.
×