رێكخراوێك: هێزێكی حه‌شدی شه‌عبی له‌نێوان شاره‌كانی سه‌قز و بۆكان جێگیركراوه‌
  2019-05-24       689       

رێكخراوی‌ مافی‌ مرۆڤی‌ هه‌نگاو رایگه‌یاند كه‌ دوای جێگیربونی گروپێكی هێزه‌كانی حه‌شدی شه‌عبی عیراق له‌ شاری شنۆ-ی‌ رۆژهه‌ڵاتی‌ كوردستان، گروپێكی دیكه‌ی ئه‌و هێزه‌ عیراقیه‌ی نزیك له‌ ئێران له‌ نێوان شاره‌كانی سه‌قز و بۆكان جێگیربون.

ئاوێنه‌: رێكخراوی مافی مرۆڤی هه‌نگاو  بڵاویكرده‌وه‌ كه‌ له‌ماوه‌ی رۆژانی رابردودا زیاتر له‌ 100 كه‌س له‌ هێزه‌كانی حه‌شدی شه‌عبی به‌ شێوه‌یه‌كی نهێنی له‌ نێوان شاره‌كانی سه‌قز و بۆكان جێگیر بون.

رێكخراوه‌كه‌ ده‌ڵێت"فه‌رمانده‌یه‌كی سه‌ربازی له‌ سه‌قز وێڕای پشتڕاستكردنه‌وه‌ی ئه‌و هه‌واڵ رایگه‌یاند، ئه‌و هێزانه‌ به‌ شێوه‌یه‌كی ته‌واو نهێنی له‌ كه‌مپی ناسراو به‌ (كه‌مپی دیله‌ عیراقییه‌كان) له‌ نێوان گونده‌كانی (سه‌رچاوه‌  و سه‌را) كه‌ له‌ سه‌ر جادده‌ی سه‌قز بۆ بۆكانه‌، جێگیر بون".

به‌وته‌ی‌ ئه‌و سه‌رچاوه‌یه‌، رێژه‌ی چه‌كداره‌كانی حه‌شد زیاتر له‌ 100 كه‌سه‌ و هه‌مو جۆره‌ چه‌كێكیان پێیه‌ و هێزێكی پۆشته‌ و په‌رداخن.

سه‌رچاوه‌كه‌ راشیگه‌یاند كه‌ ناوه‌نده‌ ئه‌منییه‌كان هاوكات ئه‌ندامانی لایه‌نه‌ توندئاژۆ ئیسلامییه‌كانی شاری سه‌قزیان چه‌كدار كردوه‌ هه‌تا له‌ ئه‌گه‌ری هه‌رجۆره‌ ناڕه‌زایه‌تییه‌ك له‌و كه‌سانه‌ وه‌كو ئامارازی سه‌ركوت و به‌ مه‌به‌ستی ترساندنی خه‌ڵك كه‌ڵكیان لێ وه‌ربگرن.

زۆرترین بینراو
© 2018 Awene Online, Inc. All Rights Reserved.
×