لەم جەژنەدا گەشتیارانی ناوەراست‌و باشوری عێراق رو لە هەرێم دەكەن
  2019-06-04       294       


لەیەكەم رۆژی جەژنی رەمەزان ژمارەیەك لەگەشتیارانی ناوەراست‌و خواروی عێراق رویان لەناوچە گەشتیارییەكانی سلێمانی، هەولێر‌و دهۆك دەكەن، پێشتریش قایمقامی قەزای ناوەندی هەولێر، نەبەز عەبدولحەمید رایگەیاند بو كە ئەوان پیشبینی هاتنی نزیكەی سەد هەزار گەشتیار دەكەن بۆ هەولێر.


ئاوێنە: دوای كۆتایهاتنی مانگی رەمەزان‌و بەمەبەستی بینینی سروشت‌و ناوچە گەشتیارییەكانی هەرێمی كوردستان بەشێك لەهاوڵاتیانی ناوەراست‌و خواروی عێراق‌و رۆژهەڵاتی كوردستان كە بەشی زۆریان لەرێگەی گروپە گەشتیارییەكانەوە سەرادنی ناوچە گەشتیارییەكانی هەولێر، سلێمانی، هەڵەبجە‌و دهۆكیان كردوە، چاوەروانیش دەكرێت دوای هێوربونەوەی پەیوەندییەكانی نێوان هەولێر‌و بەغدا هاتنی ژمارەی گەشتیاران هەڵكشانی زیاتر بەخۆیەوە ببینێت.



بەهۆی بونی ژمارەیەك ناوچەی گەشتیاری‌و كوێستانەكانی هەرێم ساڵانە لەبۆنە ئاینی‌و نەتەوەییەكاندا ژمارەیەكی زۆر لە گەشتیار رو لەهەرێمی كوردستان دەكەن، دەستەی گەشتوگوزاریش ئاماژەبەوە دەكات كارئاسانیان بۆ راكێشانی گەشتیار  كردوە‌و پێشبینی هاتنی ژمارەیەكی زۆری گەشتیار دەكەن.

زۆرترین بینراو
© 2018 Awene Online, Inc. All Rights Reserved.
×