لەگوندی "میرەرەش" لەگەلی شێخ زادە لەدەڤەری برادۆست بەهۆی بۆردومانی فرۆكە جەنگییەكانی سوپای توركیاوە سێ پێشمەرگە بریندار دەبن، كە سەر بە یەكەكانی هێزی هەشتای پێشمەرگەی پارتی دیموكراتی كوردستانن.
ئاوێنە: كاتژمێر 5 ی سەر لەبەیاتنی ئەمرۆ "چوار شەممە" فرۆكە جەنگییەكانی سوپای توركیا جارێكی ترد دەستیان بە بۆردومانكردنەوەی ناوچەكانی هەرێمی كوردستان كردەوەو لەئەنجامی ئەو بۆردومانەدا لەگوندی "میرەرەش" لەگەلی شێخ زادە لەدەڤەری برادۆست ئاگركەوتوەتەوەو سێ پێشمەرگەش كە دوانیان بران هەوڵی كوژانەوەی ئاگرەكە دەدەن بەڵام بریندار دەبن.
بەزاندنی سنورو بۆردومانكردنی خاكی باشوری كوردستان لەلایەن توركیاوە درێژەی هەیەو بەهۆیەوە لەساڵانی رابردو تا ئەمرۆش ژمارەیەكی زۆری هاوڵاتیان بونەتە قوربانیو بەشێكی زۆریشیان گوندو ناوچەكانیان چۆڵكردوە، هەروەك بەپێی زانیارییەكان ساڵانە بەهۆی كەوتنەوەی ئاگری بۆردومانەكانەوە باخو بەروبومی جوتیاران روبەروی سوتاندنو زیانی زۆر دەبێتەوە.